O Venres, 8 de Febreiro de 2013, en Ferrol no "Centro Cultural "Carvalho Calero" do Inferniño, celebrara-se a IV Asemblea do Movemento Social de Ferrol Terra en apoio de Alternativa Galega de Esquerda

IV Asemblea do Movemento Social de Ferrolterra en apoio de Alternativa Galega de Esquerda.

Unha nova Asemblea Popular, que desta vez se celebrará no Inferniño.

Día: venres, 8 de Febreiro de 2013.
Hora: ás 19:00hs (7 da Tarde).
Lugar: en Ferrol no Centro Cultural "Carvalho Calero" do Inferniño.

Esta é unha Asemblea Aberta a todas as persoas que consideren que a Alternativa Galega de Esquerda é unha expresión política válida, onde o movemento social de Ferrol Terra poda confiar as súas reivindicacións e demandas; para que estas cheguen ao Parlamento Galego.

A Asemblea é un espazo de reflexión e activismo político, fora das estruturas das organizacións políticas, de participación directa da cidadanía e confluencia das distintas opcións e visións que apoian a AGE, na consecución dos seus obxectivos.

Obxectivos da Asemblea: Debater e reflexionar sobre a situación da Comarca, espazos futuros e alternativas. Coñecer a actividade, no Parlamento e na rúa, das  deputadas e deputados de AGE.

Esta é a orde do día que propoñemos:

1.- Elección de dúas persoas, unha compañeira e un compañeiro, que moderen a Asemblea.

2.- Aprobación e/ou Modificación da Orde do Día.

3.- Ferrolterra, estado da situación, conflitos, problemas e alternativas.
Propoñerá-se á Asemblea unha dinámica de grupo para facer posíbel unha posta en común dos problemas que nacen da actual ordenación política, social, económica e do territorio da nosa comarca, para comezar a visualizar, defender e construír as alternativas.

4.- Proposta para facer unha Grande Asemblea-Mitin na Praza do Concello, onde @s deputados@s expuxeran a actividade que están desenvolvendo, tanto na rúa como na sede parlamentaria e os obxectivos a conseguir.

5.- Charla-Coloquio con Yolanda Díaz e Antón Sánchez, membros do Grupo Parlamentar da Alternativa Galega de Esquerda, para que nos expliquen as últimas iniciativas do Grupo Parlamentar e someter-se ás preguntas que houber.

6.- Novas propostas, rogos e preguntas.

7.- Nomear a Comisión de persoas voluntarias para convocar a seguinte Asemblea que tería só por obxecto: acordar día, hora e lugar de celebración, fixar os seus obxectivos  e elaborar a proposta de orde do día.

En Ferrol, a 28 de Xaneiro de 2012

Asinan esta convocatoria:
Rafael Pillado, Suso Pazos, Xesus Manuel Díaz Suárez, Alexandre Carrodeguas, André M. Ces, Bernardo Lorenzo Cuétara, Carlos Varela, César Pena, Daniel A. Martínez, Elena Casal , Inácio M. Orero, Jennyfer Prieto, Manuel A. Rodríguez Carballeira, Lucia Vizoso, Lupe Ces, Marcelo R. Serantes, Mel Sanxoan, Miguel López, Pablo Portero e Paula Meizoso.
...

Manifesto da Asemblea:
http://asembleadeferrolterra.blogspot.com.es/p/manifesto.html

Blogue:
http://asembleadeferrolterra.blogspot.com.es/

Correo-e:
asemblea.apoio.alternativa@gmail.com

Docs:

Bases do Programa Político (Obxectivos)
http://alternativagalega.com/wp-content/uploads/2012/10/Programa-Electoral-da-Alternativa-Galega-de-Esquerda.pdf
Código Ético-Político
http://alternativagalega.com/wp-content/uploads/2012/09/Codigo-etico-Politico.pdf

--

Presentado o libro 'AGE. A Emerxencia da Alternativa Galega de Esquerda'

Éxito total de afluencia na presentación de 'AGE. A Emerxencia da Alternativa Galega de Esquerda', dos xornalistas Manuel Darriba e Daniel Salgado. Un libro, en palabras de Manuel Martínez Barreiro, "intelixible, interesante e intelixente", no que se entrevista a Xosé Manuel Beiras, Yolanda Diaz Perez, Martiño Noriega Sánchez e Xabier Ron sobre esta "experiencia insólita".

Os resultados das eleccións autonómicas do 21 de outubro de 2012 debuxan un novo mapa político na sociedade galega coa súbita irrupción da plataforma electoral da Alternativa Galega de Esquerda, convertida en terceira forza no Parlamento Galego con 9 deputados.

A emerxencia de AGE como nova alianza de partidos trae tamén consigo o retorno de Xosé Manuel Beiras, nas súas palabras, “un político dun ciclo histórico que remata”, que procurou “navegar en mar de fóra” para o seu retorno á arena da cámara galega, no que el mesmo considera como o seu epílogo político.

AGE. A emerxencia da Alternativa Galega de Esquerda, terceiro título da colección xornalistas, é a crónica do proceso de conformación da AGE, dos seus como e por que e a delimitación das coordenadas políticas deste novo proxecto de alianzas na voz dos seus protagonistas. En palabras dos autores:

O contido deste libro xorde da curiosidade xornalística por un proxecto que achega novas claves á política galega, a institucional e a exercida a nivel de bases. Os autores quixemos pescudar na rebotica da AGE –pensamento político, contactos, negociacións–, o seu programa e as súas expectativas. O mecanismo elixido foron as conversas con catro líderes significados da coalición. Ao tratarse dun experimento tan recente e en permanente construción, non existen aínda elementos nin perspectiva para un ensaio valorativo, moito menos un balance, do que supón a Alternativa Galega de Esquerda. O territorio de traballo é o da crónica de urxencia. O propósito que nos guiou foi suscitar conversas sobre aspectos que no seu día quedaron fóra da cobertura xornalística, conversas nas que estiveran excluídas, na medida do posible, a corrección e a gramática partidistas. Especial interese ten o testemuño dun Beiras que proclama o final do seu ciclo, convencido de pertencer a un tempo político que remata.

Manuel Darriba (Sarria, 1973)
Traballou como xornalista en El Progreso e colaborou en medios como El Periodico de Catalunya, Expansión, El Mundo e El País. Na actualidade é columnista do xornal De Luns a Venres. Escribe guións de ficción e dirixe documentais e programas de televisión. A súa obra literaria recibiu diversos premios e parte dela está traducida para español.

Daniel Salgado (Monterroso, 1981)
Traballou como xornalista na edición galega de El País e colabora con A Trabe de Ouro, Protexta ou o Xornal da Central Unitaria de Traballadores. Como poeta, publicou títulos como Días no imperio (premio Esquío, 2004), Éxodo (Xerais, 2006) ou Ruído de fondo (Xerais, 2012). Tradutor de Allen Ginsberg para galego e de Lois Pereiro para español. É membro da banda de música electrónica Das Kapital.

Fotografías de Paco Gallego
Filólogo, fotógrafo, videocreador e community manager. Responsable da campaña de redes sociais de Anova nas Eleccións Galegas 2012. Actualmente traballa en "Picnic, Ideas Felices" como responsable de comunicación e eventos.

http://www.20editora.com/index.php/age-a-emerxencia-da-alternativa-galega-de-esquerda.html

________________