O 16 de novembro de 2012, terá lugar a toma de posesión das parlamentarias e parlamentarios de Alternativa Galega de Esquerda.
O grupo parlamentar electo e as forzas políticas que conforman a coalición fan un chamamento ao movemento social en particular e á cidadanía en xeral, por se queren acompañar en "Cortexo Cívico" ás parlamentarias e aos parlamentarios, representantes obedientes ao mandato popular até a porta do Parlamento Galego. Onde van levar o mandato ao Parlamento de xerar unha nova cultura de radicalidade democrática, de defensa dos intereses da maioría social fronte aos bancos e as oligarquías. Poderes que se enfrontan claramente aos obxectivos que promoven e defenden día a día os nosos movementos e organizacións, que loitan polo reparto da riqueza, polo fin da pobreza, pola defensa do medio ambiente e o noso territorio, por uns servizos públicos, universais e de calidade, contra os ataques á nosa lingua e cultura, contra o machismo, o racismo e a xenofobia..., nun esforzo constante por constituírmonos en cidadanía consciente, que sabe cales son os seus dereitos e as súas obrigas.
Día: Venres 16 de Novembro.
Hora: 10:00hs.
Lugar: na Praza de Galiza, de Compostela.
PARTICIPA !!
---
Ali estaram gentes da luita contra Reganosa, por fim haverá umha voz que defenda a nossa vida e a nossa Ria no Parlamento de Galiza. Eu nom estarei fisicamente, mas estarei erguendo o facho que prendeu na campanha eleitoral. O facho da unidade. Umha unidade que vemos como ateigou as ruas este mércores, coa sua força multiplicadora. Umha unidade que fai que nos reconhezamos no que é diferente a nós, mas que tem esse mesmo lume ca nós prendido nos olhos. Manhá ponhede o pé nesse parlamento para levar a nossa indignaçom, para que se sente alí a nossa dignidade. Para que se respire justiça. E também para sacar-lhes as cores aos corrupt@s, trepas, @s que se enriquecem coa política, @s que gostam de exercer o dominio e o poder. Adiante o proceso constituinte!
ResponderExcluir